Te reo hoahoanga

Ka whakatakoto tēnei tuhinga i ngā tukanga rangahau o tēnei kaupapa rangahau ki te hanga i tētahi papakupu hoahoanga. Ka whakamatau te rangahau ki te whakawhiri i ngā mea e rua – ngā tohutohu o ngā mātanga reo e pā ana ki te mahi hanga papakupu me te mahi hanga kupu hou, me ngā herenga o ngā kaiwhakamahi o tēnei rangahau i te ao hoahoanga. Ka whakatakotohia e tēnei tuhinga ngā tukanga rangahau ki te mahi i ēnei mea – i te tuatahi, te mahi ki te mārama, ki te whakamātautau i te hātepe hanga kupu me te hātepe hanga papakupu. I te tuarua, te mahi ki te kohikohi, ki te mārama i ngā whakaaro o ngā kaiwhakamahi o te papakupu. Ko te tirohanga tauanga tētahi tukanga. I te tuatoru, te mahi ki te hanga i te putunga kupu. I te tuawhā, te mahi ki te whakamātautau i ngā kupu hou. Ko te uiuinga me te wānanga ētahi tukanga. Ko te tūmanako ka tū tēnei tuhinga hei tauira mō ētahi atu e mahi ai ki te hanga i tētahi papakupu whāiti.