Te Hā o te Mātauranga Pūtaiao: Te mana o te Mātauranga Pūtaiao i te Pūnaha Akoako o Aotearoa “The value and significance of Indigenous Māori Science Knowledge in the New Zealand Education System”

Date
2018
Authors
Dunlop, Robert Manuel Jacks
Supervisor
Mahuta, Dean
Item type
Thesis
Degree name
Master of Arts in Te Reo Māori
Journal Title
Journal ISSN
Volume Title
Publisher
Auckland University of Technology
Abstract

He koi te hinengaro Māori; he pūkōrero tana arero, ka mutu, he whānui te mōhiotanga o te Mātauranga Māori, engari he mana tō te Mātauranga Māori i roto i ngā kura? Ko tērā te pātai matua o tēnei rangahau. Ka toro atu tēnei rangahau ki ngā whakaaro o te mana o te Mātauranga Māori i roto i ngā akoranga Pūtaiao. He whenumitanga tikanga rangahau tēnei, e whai ana i ngā tikanga o ngā rangahau Kaupapa Māori. He whakawhenumi i ngā tukanga inerahi me ngā tukanga inekounga, e kite ai tātou i te whanaungatanga i waenganui i ngā kaiako, ki ngā tauira, ki ō rātou kura, ki te Pūnaha Akoako whānui, arā, i roto i ngā horopaki o te Pūtaiao, me te Mātauranga Māori. Ko ngā hau rongonui mai i te kōauau o tēnei rangahau e kōrero ana ki te whakatinanatanga o te Mātauranga Pūtaiao Māori, engari ka whakawhiti atu kē ēnei kitenga, ēnei tikanga whakahaere ki ērā kaupapa ako o te Mātauranga Māori. Ko te tūmanako mā ēnei hua rangahau e pupuhi ngā mura o te hiranga o te Mātauranga Māori i roto i ngā kura katoa o Aotearoa. Ko ngā hau rongonui i kōrero ki te whakawhanaungatanga i waenganui i ngā kura me ngā hunga o te hapori, me ngā tangata whenua. Ko te hapori te puna kōrero o te Mātauranga Māori, engari kei te whakararuraru ēnei tāngata nā ngā mahi tinihanga o ngā kura o mua. Heoi anō ko ngā āhuatanga tautoko, i whakamana hoki i te ūtanga o ngā tauira ki ngā kaupapa ako, ko te tuituitanga kaupapa me te whakatinanatanga o ngā momo ako, me ngā aromatawai tōrite o ngā kaupapa Mātauranga Pūtaiao Māori, kei te whakarite, kei te whakatika ake i ēnei taputapu tonu. I tīmata ngā kaimahi Pūtaiao ki te whakatika i ngā aromatawai, heoi anō ehara tērā te otinga o te mahi. Nā ēnei mahi katoa ka tuwhera he ara eke poutama mō ngā tauira, ā, ka whai hua rātou me ngā kura i te Mātauranga Pūtaiao Māori, hei taonga tuku iho o Aotearoa whānui.

Description
Keywords
Putaiao , Science , Matauranga Māori , Te Punaha Akoako o Aotearoa
Source
DOI
Publisher's version
Rights statement
Collections